სხვადასხვა ბიზნესი ხშირად ერთიანდება, ერთმანეთს ერწყმის, მაგრამ ბრენდი – არა. A ბრენდისა და B ბრენდის შერწყმა არასოდეს მოგვცემს შედეგად A+B ბრენდს. ამის შედეგი იქნება ახალი ტექნიკით შეიარაღებული ბრენდ A-ს ან ბრენდB B-ს ახალი ვერსიები ან სრულიად ახალი ბრენდი – C.

როდესაც შერწყმას ვეხებით, პოლიტიკურად მგრძნობიარე სივრცეში შევდივართ. შერწყმის შესახებ მოლაპარაკებების დროს შემდეგ კითხვებს უნდა უპასუხოთ:

• შერწყმა პრაქტიკულად შთანთქმაა? თუ ეს ასეა, მაშინ ერთ კულტურასა და ერთ ბრენდს მეორე მიიკუთვნებს.
• შერწყმის მიზანი ბრენდის გაძლიერებაა თუ ფიზიკური ატრიბუტიკის მოპოვება? თუ მიზანი გაძლიერებაა, ამ ორი ბრენდიდან უფრო ძლიერი მოიპოვებს უპირატესობას.
• თუ შერწყმის შედეგად გადაწყვეტილი გაქვთ სრულიად ახალი ბრენდის შექმნა, შეძლებთ, რომ დასძლიოთ უკვე არსებული ბრენდის კაპიტალის დაკარგვით მოყენებული ზარალი?

ამ კითხვებზე თქვენი პასუხების მიხედვით აირჩიეთ ქვემოთ ჩამოთვლილი მიდგომებიდან რომელიმე:

• თუ შერწყმის შედეგად ერთი ბრენდი გადარჩება, მიმართეთ მეჩვიდმეტე თავში შემოთავაზებულ რჩევებს ბრენდის გაცოცხლებისა და მისი ახალი, გაუმჯობესებული ფორმით წარდგენის შესახებ.
• თუ შერწყმის შედეგად სრულიად ახალი ბრენდი უნდა შექმნათ, დაიწყეთ ბრენდინგის პროცესი ნულიდან და გაიარეთ ამ თავში მოცემული ბრენდინგის პროცესის შვიდივე საფეხური.

ბრენდინგი მარტივად - ბილ ჩიარავალე, ბარბარა ფინდლი ჩენქი