ကျန်းမာရေးဝန်ကြီးဌာန (MOH) ၏ လမ်းညွှန်ချက်များ

• MOH မှအတည်ပြုထားသည့် COVID-19 ကာကွယ်ဆေးအပြည့်ထိုးထားသော ခရီးသွားများ (သို့မဟုတ်) မြန်မာနိုင်ငံသို့မရောက်မီ ၄၈နာရီအတွင်း စစ်ဆေးထားသည့် RT-PCR Test တွင် အနုတ်လက္ခဏာ အဖြေရရှိသူများသည် International Commercial Flight များကို စီးနှင်နိုင်သည်။
• COVID-19 ကာကွယ်ဆေး မထိုးရသေးသောသူများ၊ အပြည့်မထိုးရသေးသောသူများနှင့် တရားဝင်ကာကွယ်ဆေးထိုးပြီးကြောင်း အတည်ပြုလက်မှတ် မတင်ပြနိုင်သူများသည် မြန်မာနိုင်ငံသို့ မဆိုက်ရောက်မီ ၄၈နာရီအတွင်း အနုတ်လက္ခဏာ RT-PCR စစ်ဆေးမှုရလဒ်ကို ပြသရမည်ဖြစ်သည်။
• နိုင်ငံခြားသားများအနေဖြင့် Myanmar Insurance မှဝယ်ယူထားသော COVID-19 ဆေးအာမခံကို တင်ပြရမည်ဖြစ်သည်။
• လေဆိပ်မှ တာဝန်ရှိသူများထံတွင် Rapid Diagnostics Test (RDT) ကို ခရီးသွားများ ကိုယ်ပိုင်ကုန်ကျစရိတ်ဖြင့် စစ်ဆေးရမည်ဖြစ်ပြီး တစ်ဦးလျှင် ၁၅၀၀၀ကျပ် ကျသင့်မည်ဖြစ်သည်။
• ကာကွယ်ဆေးမထိုးရသေးသူများ၊ အပြည့်မထိုးရသေးသူများ၊ ထိုးပြီးအတည်ပြုလက်မှတ်မတင်ပြနိုင်သူများ ကွာရန်တင်း သုံးရက်ဝင်ရန်လိုအပ်ပြီး Day-3 သုံးရက်မြောက်နေ့တွင် RT-PCR Test ကို စစ်ဆေးရမည်ဖြစ်သည်။ ရလဒ်သည် အနုတ်လက္ခဏာဖြစ်ပါက ကွာရန်တင်းမှ ဖြေလျော့မည်ဖြစ်သည်။

လေယာဥ်မထွက်ခွာမီ ဘာတွေပြင်ဆင်သင့်သလဲ?

• ခရီးသည်တိုင်းသည် လေဆိပ်နှင့် ခရီးစဉ်တစ်လျှောက်လုံးတွင် face mask နှင့် face shield ကို ဝတ်ဆင်ထားရပါမည်။
• COVID-19 ရောဂါလက္ခဏာများ မရှိကြောင်း မိမိဘာသာ အရင်အတည်ပြုစေလိုပြီး ဖျားခြင်း၊ ချောင်းဆိုးခြင်း၊ အနံ့ပျက်ခြင်းနှင့် အရသာပျက်ခြင်းစသည့် COVID-19 ရောဂါလက္ခဏာမပြသော ခရီးသည်များကိုသာ ခရီးသွားခွင့်ပြုပါမည်။
• ခရီးသည်တိုင်းတွင် ရပ်ကွက်ထောက်ခံစာ (သို့မဟုတ်) Accomodation Referenceများ ရှိရပါမည်။
• ကာကွယ်ဆေးထိုးပြီးပါက အတည်ပြုလက်မှတ်ကို ဆောင်ထားရန် လိုအပ်ပါသည်။
• ခရီးသည်များသည် လေဆိပ်တွင် ကျန်းမာရေးဖော်ပြချက်ဖောင်ကို ဖြည့်စွက်ပြီး တာဝန်ကျသော ကျန်းမာရေးအရာရှိများထံ တင်ပြရမည်ဖြစ်သည်။ ဤတွင် ခရီးသည်၏ အမည်အပြည့်အစုံ၊ NRC နံပါတ်၊ လိပ်စာ၊ ဖုန်းနံပါတ်၊ လက်မှတ်ဝယ်ယူသည့်ရက်စွဲ၊ check-in အချိန်နှင့် လေဆိပ်သို့ ဆိုက်ရောက်ချိန်စသည့် အချက်အလက်များ ပါရှိသည်။
• ထို့အပြင် ဆိုက်ရောက်ရာမြို့၏ တည်းခိုမည့်လိပ်စာကို ပေးဆောင်ရမည်ဖြစ်ပါသည်။

လေယာဥ်စီးနှင်စဥ် ဘာတွေလုပ်ဆောင်သင့်သလဲ?

• လေယာဉ်ပျံသန်းစဉ် ခရီးသည်များသည် surgical masks နှင့် face-shields များကို ဝတ်ဆင်ရမည်ဖြစ်ပြီး လေယာဉ်အမှုထမ်းများ၏ ညွှန်ကြားချက်များကို လိုက်နာရမည်ဖြစ်သည်။
• လေယာဉ်ပျံသန်းစဉ်အတွင်း ခရီးသည်များသည် လေကြောင်းလိုင်းမှ သတ်မှတ်ထားသော ထိုင်ခုံတွင်သာ ထိုင်နိုင်သည်။
• လေယာဉ်စီးနေစဉ်အတွင်း ခရီးသည်တစ်ဦးဦး ဖျားနာပါက လေယာဉ်အမှုထမ်းထံ ချက်ချင်းသတင်းပို့ပြီး လေယာဉ်အမှုထမ်းမှ ညွှန်ကြားချက်များကို လိုက်နာရမည်ဖြစ်သည်။